Walden viaggi a piedi es una cooperativa activa dins torisme responsable e sostenible, organiza de viatges a pè en Toscana, Itàlia , Euròpa, Mediterrani, mas tanben Àfrica e Àsia. Sem sòcis de AITR (Associacion Italiana Torisme Responsable) e trabalhem per portar anant un’idea de torisme fach second de principis de justícia sociala e econònica e qu’afavorisse l’encòntre entre las comunitats localas e lhi viatjaires.

Nòstras propausas son per descurbir lhi luecs un pas après l’autre, sensa pressa, perqué chaminar fai estar ben, envida al confront, al partatge, al ver contact entre las personas. Chaminem de costuma en pichòts grops per partatjar l’experiença dal viatge e conóisser la cultura e las tradicions di luecs decò a travèrs d’encòntres embe la gent dal pòst.

Tuchi de viatges de qualitat, embe de guidas professionistas e atentas, de prètz tranparents e garantits dal contract de viatge e da l’organizacion técnica de Viaggi Solidali, lo Tour Operator qu’es nòstre partenari dins lo Torisme Responsable.

Per l’empenh dins aqueste sector Walden a obtengut ental 2013 lo prèmi Green Travel Awards, assignat dal Groppo Italiano Stampa Turistica per las excellenças dal torisme sostenible e responsable dins la categoria Tour Operator/Organizzatori di Viaggi.

Sem lhi ideators e lhi promotors dal moviment Social Trekking, qu’es un laboratòri de convivialitat, d’estils de vita, d’economias alternativas, un’oficina de sumis, de projectacion d’una sociatat melhora, pus legiera e sostenibla, perqué “chaminar ensem es sempre mai un act social e pòl chambiar lo mond”.

Fòrts d’aquesta experiença e de nòstra vuelha de sostenir d’iniciativas multiculturalas, avem adoptat embe entosiasme lo chamin “Occitània a pè, da las valadas a la Val d’Aran”, qu’anarem desvovolopar enti ans a venir embe l’estrecha collaboracion de l’associacion Chambra d’òc.

Embe lo sosten des associacions liaas a la cultura occitana sal territòri e de lhi òmes e fremas de la Chambra d’òc, Walden vai prepausar chasque an divèrs itineràris, organizats coma de vertadiers paquets torístics, que permeterèn ai participants de descurbir las belessas naturalísticas de l’Occitània, d’encontrar las personas, de chaminar, dançar e chantar en aquilhi que son de vers e pròpris “social trekking”.

Ental 2015 Walden propausa lhi dui premiers itineraris de l’Occitània a pè www.waldenviaggiapiedi.it/walden-adotta-occitania-pe/:

1 itinerari dal 21 al 30 d’avost: da Vinai a Sisteron

2 itinerari dal 19 al 27 de setembre da Siteron a Pont Sant Esperit

Walden Viaggi a piedi

Web: www.waldenviaggiapiedi.it

Tel: +39 055 9166690

E-mail: info@waldenviaggiapiedi.it